सम्भ्रान्त परिवार बिचमा भएको प्रेम र घृणा चलचित्र बर एण्ड बधुमा

नेपाली कथानक चलचित्र बर एण्ड बधुको ट्रेलर सार्बजानिक गरिएको छ। एल आर के इन्टरटेन्मेन्टको ब्यानरमा बनेको चलचित्र बर एण्ड बधु लाई निर्देशक मिलन चाम्सले निर्देशन गरेका छन् भने चलचित्रका कलाकारहरुमा आँचल शर्मा नव नायक बिवेक कर्मचार्य, किरण के.सी. रबिन्द्र खड्का, बिजय लामा, गरिमा शर्मा, बिजु पार्की, सरिता लामिछाने, कुशुम शर्मा, हिेमेश पन्त सृष्टी खड्का आदी कलाकारहरुको अभिनय हेर्न सकिने छ । यही भाद्र १४ गते देखि रिलजि हुन गैरहेको चलचित्र बर एण्ड बधुका निमात्री जानुका थापा हुन् भने लेखन प्रदिप भारद्धवाजले गरेका छन् । त्यस्तै चलचित्रका गीत लेखनमा लेखु क्षेत्री छन् भने संगित अर्जुन पोख्रल र युग भुसालको रहेको छ जसमा गायक गायिकामा अन्जु पन्त, प्रताप दास र सुगम पोख्रलको आवाज सुन्न सकिने छ त्यस्तै कोरीयोग्रफरमा कबिराज गहतराज र सुस्मिता वाईबाले गरेका छन् भने छाँयांकन पक्ष सुदिप बरालले सम्हालेका छन् । स्वदेश तथा बिदेशमा समेत छाँयांकन गरिएको चलचित्रको ट्रेलर हेर्दा एक सम्भ्रान्त परिवार बिचमा भएको प्रेम र घृणालाई कमेडी धारमा देखाईएको छ । बिबेक र आंचलको जोडी मिलाउन किरण के.सीको हर प्रयास र परिवारमा बाबु देखि छोरा छोरीमा भएको घमण्ड, आक्रोश र प्रेमले भरिएको चलचित्रलाई निर्देशक चाम्सले उत्कृष्ट तरिकाले प्रस्तुत गरिएको देखिएको छ । हाल ट्रेन्डिमा चलिरहेको ट्रेलर हेर्दा चलचित्रले नेपाली चलचित्र बजारमा उत्कृट ब्यापार गर्न सक्ने अनुमान गरिएको छ भने चलचित्र लिलिबिली पछि निर्देशक मिलन चाम्सले पनि फेरी आफ्नो उत्कृष्ट काम देखाएका नै छन् ।

Advertisement