मिति २०८१ साल भदौ ८ गते शनिबारको दिन बर्दिबास साहित्यिक-सांस्कृतिक प्रतिष्ठानको ६१ औं अङ्क विशेष भजन विमोचन तथा साहित्यिक साङ्गीतिक कार्यक्रम प्रतिष्ठानका अध्यक्ष रामचन्द्र पौडेलको अध्यक्षता तथा वरिष्ठ साहित्यकार डाक्टर राजेन्द्र विमलको प्रमुख आतिथ्यमा सम्पन्न भयो ।

यस प्रतिष्ठानका गीत तथा सङ्गीत विभाग संयोजक जीवनाथ पोखरेलले सञ्चालन गरेको सो कार्यक्रममा शुभकामना दिने अतिथिहरुमा बृहत् साहित्य सञ्जाल मधेस प्रदेश संयोजक तथा प्रलेस मधेस प्रदेस अध्यक्ष नारायण घिमिरे, कमला साहित्य समाज धनुषाका अध्यक्ष गणेश तिमल्सिना, लेखनाथ स्मृति सदन महोत्तरी अध्यक्ष जनक प्र.पौडेल, प्रलेस मधेस प्रदेश सचिव भिम राउत, बर्दिबास नेवा: समाज अध्यक्ष धन नारायण श्रेष्ठ, गायक आभास श्रेष्ठ, जनवादी लेखक सङ्घ सितामढी (भारत)का कोषाध्यक्ष महमद कामरुदिन नदाफ सफलताको शुभकामना दिएका थिए भने लोकदोहोरी प्रतिष्ठानका केन्द्रीय सदस्य कृष्ण गौतम, लोक दोहोरी प्रतिष्ठान मधेस प्रदेश अध्यक्ष रुद्रसेन विश्वकर्मा, समाजसेवी दुर्गा दहाल, बुढ्यौली साहित्य समाज धनुषा अध्यक्ष नानीराम दहाल, जनता बहुमुखी क्याम्पस बर्दिबासका व्यवस्थापन समिति सदस्य हेमसागर वाग्ले, साहित्य प्रेमी विनोद ढुङ्गेल, जानकी नारी समाज महोत्तरी अध्यक्ष मन्जु मन्जुभाषिणी, सचिव रमा शर्मा ढकाल र सदस्य देवी घिमिरे, भान्सा सुधार अभियानका उपाध्यक्ष देवीप्रसाद पाण्डे, नगर पत्रकार सञ्जाल बर्दिबासका अध्यक्ष गोपाल बराल, उद्योग बाणिज्य सङ्घ बर्दिवासका अध्यक्ष विष्णु खड्का, मायाघर निर्माणका कुमार चौलागाईं र विश्व नेपाली साहित्य महोत्तरी उपाध्यक्ष शान्ता काफ्ले, हरि प्रसाद गौतम आदि अतिथिका रुपमा उपस्थित थिए ।

उक्त कार्यक्रमको सुरुमा यस प्रतिष्ठानका उपाध्यक्ष जीवनस्पर्शीले कार्यक्रममा उपस्थिति सम्पूर्णलाई शब्दद्वारा स्वागत गरेका थिए । त्यसपछि प्रमुख अतिथि डाक्टर राजेन्द्र विमलले पानसमा बत्ती बालेर कार्यक्रमको उद्घाटन गर्नुकासाथै कविता दाहालद्वारा लिखित भजन भिडियो विमोचन गर्नुभएको थियोे ।

सो कार्यक्रममा विभिन्न लयका गीत, गजल, कविता र मुक्तक वाचन गरिएका थिए । सिर्जना वाचन गर्नेहरुमा नारद काफ्ले, कामरुदिन नदाफ, बन्चरो, जनक पौडेल, भिम राउत, राजु लामा, राजेश भण्डारी, पवन वाग्ले, आभास श्रेष्ठ, गणेश तिमल्सिना, धननारायण श्रेष्ठ, यादव वाग्ले, जीवनराज दहाल र नारायण घिमिरे लगायतले प्रस्तुत गरेका थिए ।

उक्त कार्यक्रममा लोकार्पण भजनको शब्द रचना गर्ने वा कृतिकार कविता दहालको कृतित्व र व्यक्तित्व माथि मिथिला साहित्य प्रतिष्ठानका अध्यक्ष विपिराज दहाल र गौरीशंकर मिथिला वाङमय प्रतिष्ठानका अध्यक्ष प्रेम घिमिरेले चर्चा गरेका थिए । कार्यक्रमको अतिथि तथा कृतिकारको व्यक्तित्व माथि चर्चा गर्दै भान्सा सुधार अभियान देखि गीत कविता लेखन, वाचन र अभिनयमा समेत अब्बल रहेको बताएका थिए भने कृतिले मानिसमा सेवा भाव र जीवनलाई बुझ्न सकिने बताएका थिए ।

यसैगरी मन्तव्य व्यक्त गर्दै नारायण घिमिरेले कृतिकारलाई अझै लेखनमा थप उर्जा प्राप्तिका लागि शुभकामना दिएका थिए । कृतिकार कविता दहालले कार्यक्रममा आफ्नो जीवनमा उर्जा हौसला र प्रेरणा दिने आमा बुबा, दाजुभाइ, सासुससुरा लगायत सम्पूर्णमा आभार व्यक्त गरेकी थिइन् । साथै लोकार्पण कार्यक्रम आयोजना गर्ने संस्था प्रतिष्ठान परिवारलाई धन्यवाद ज्ञापन गरेकी थिइन् ।

भजन विमोचन कार्यक्रममा बोल्दै प्रमुख अतिथि डाक्टर राजेन्द्र विमलले कृतिकार कविता दहालको शब्दमा रचिएको र चर्चित सङ्गीतकार शिखर सन्तोषद्वारा सङ्गीत दिएको र चर्चित भारतीय गायिका अनुराधा पौड्वालले स्वर दिएको भजन हृदयस्पर्शी रहेको कुरा व्यक्त गर्नुभयो साथै कविता दहालको रचनाले उहाँहरु जस्तो गायक र सङ्गीतकार पाउनु सौभाग्य हो र यो अवसर सबैलाई मिल्दैन कविता भाग्यमानी हो भन्दै अझ राम्रा कृति लेख्न हौसला र प्रेरणा मिलोस् भन्ने सुभेक्षा प्रकट गरेका थिए ।

प्रमुख अतिथि डाक्टर विमलले अहिलेका युवा पुस्तामा दुर्व्यसनबाट मुक्त हुने प्रेरणादायी रचना आउन भन्ने मनोकामना व्यक्त गरेका थिए । कार्यक्रममा बोल्दै आफूलाई प्रमुख अतिथिका लागि निमन्त्रणा गरिएकोमा आयोजक संस्थाप्रति आभारी छु भन्ने विचार व्यक्त गरेका थिए साथै आफू यस प्रदेशको साहित्यिक राजधानी बर्दिबासमा आउँदा आनन्द आउने कुरा व्यक्त गरेका थिए ।

कार्यक्रमको अन्तमा सभाध्यक्ष रामचन्द्र पौडेलले प्रतिष्ठानको ६१ औं अङ्क विशेष भजन लोकार्पण तथा साहित्यिक साङ्गीतिक कार्यक्रमका प्रमुख अतिथि डाक्टर राजेन्द्र विमल, अतिथि लगायत सम्पूर्ण उपस्थितिमा हार्दिक आभार व्यक्त गरेका थिए । साथै कविता दहालको भजनले चर्चित भारतीय गायिका अनुराधा पौड्वालको स्वर तथा चर्चित सङ्गीतकार शिखर सन्तोषले सङ्गीत भर्नु सौभाग्य हो भन्दै कृतिकारका अन्य कृतिहरु पनि छिटै आउन भन्ने शुभकामना दिए ।

आफ्नो स्वास्थ अवस्था कमजोर हुँदाहुँदै पनि कार्यक्रममा सहभागी भएकोमा प्रमुख अतिथिलाई कृतज्ञता ज्ञापन गर्दैन उहाँ साहित्यको गुरु, ज्ञानको गुरु असल मार्गदर्शक हुनुहुन्छ भन्ने कुरा व्यक्त गरेका थिए । साथै कार्यक्रममा उपस्थिति सम्पूर्णमा हार्दिक धन्यवाद सहित कार्यक्रमको समापनमा गरेका थिए ।

भान्सा सुधार अभियानले स्वास्थ्ययुक्त खाजा खुवाएको उक्त कार्यक्रममा सुमन सारङ्गीले सारङ्गी बजाएर कार्यक्रमलाई अझ रोचक बनाएका थिए ।

कार्यक्रम बर्दिवास चोकको दिव्य भवनमा भएको थियोे भने यस कार्यक्रमको मिडिया पार्टनर ओमकार टेलेभिजनको पञ्चामृत कार्यक्रम रहेको थियोे ।